Faylı printerdən yadda saxlamaq üçün kompüterinizdə şəbəkə qovluğu təyin edin.
Kompüter printer ilə eyni şəbəkəyə qoşulmalıdır. Faylı qovluqda saxlayan zaman printer qovluğun yaradıldığı kompüterin istifadəçisi kimi sistemə daxil olur.
Bundan başqa, paylaşılan şəbəkə qovluğunu yaradan zaman MS Şəbəkəsini qurduğunuza əmin olun.
Şəbəkə qovluğunu təyin etmək üsulu mühitdən asılı olaraq dəyişir. Bu, aşağıdakı mühitdə kompüterin iş masasında şəbəkə qovluğunun yaradılması nümunəsidir.
Əməliyyat sistemi: Windows 10
Ortaq qovluq yaratmaq üçün yer: iş masası
Qovluq yolu: C:\Users\xxxx\Desktop\scan_folder (iş masasında "scan_folder" adlı şəbəkə qovluğu yaradın)
Şəbəkə qovluğu yaratmaq istədiyiniz kompüterə inzibatçı səlahiyyətinə malik olan istifadəçi hesabı ilə daxil olun.
Hansı istifadəçi hesabının inzibatçı səlahiyyətinə malik olduğunu bilmirsinizsə, kompüter inzibatçınızla əlaqə saxlayın.
Cihazın adının (kompüter adı) iki baytlıq simvollardan ibarət olmadığından əmin olun. Windows Başlatma düyməsi üzərinə klikləyin, sonra 
Parametrlər > Sistem > Haqqında seçin.
Cihazın adında iki baytlıq simvollar varsa, fayl yadda saxlanılmaya bilər.
Cihazın texniki xüsusiyyətləri > Cihazın adı bölməsində göstərilən sətrin hər hansı iki baytlıq simvollardan ibarət olmadığını yoxlayın.
Cihazın adı yalnız bir baytlıq simvollardan ibarətdirsə, heç bir problem olmamalıdır. Ekranı bağlayın.
Məsələn: EPSPUB313
Cihazın adında iki baytlıq simvollar varsa, iki baytlıq simvollardan istifadə etməyən kompüterdən istifadə edin və ya cihazın adını dəyişdirin.
Cihazın adını dəyişdirmək lazımdırsa, kompüter idarəçiliyi və resurslara girişə təsir göstərə biləcəyi üçün əvvəlcədən kompüter inzibatçınızla əlaqə saxladığınızdan əmin olun.
Daha sonra kompüterinizin parametrlərini yoxlayın.
Windows-da başlat düyməsinə klikləyin, sonra Windows Sistemi > İdarə Paneli seçin.
İdarə panelində Şəbəkə və internet > Şəbəkə və Paylaşma Mərkəzi > Təkmil paylaşma parametrlərini dəyişdir üzərinə klikləyin.
Şəbəkə profili göstərilib.
Fayl və Printer paylaşımı altında şəbəkə profili (cari profil) üçün Fayl və printerin paylaşılmasını yandır seçiminin seçildiyindən əmin olun.
Əgər artıq seçilibsə, Ləğv et klikləyin və pəncərəni bağlayın.
Parametrləri dəyişdirdiyiniz zaman Dəyişiklikləri Saxla klikləyin və pəncərəni bağlayın.
Sonra şəbəkə qovluğu yaradın.
İş masanızda qovluq yaradın və ona ad verin.
Qovluq adı üçün 1 və 12 arası hərf-rəqəm simvolu daxil edin. Əgər ad 12 simvoldan çox olarsa, mühitinizdən asılı olaraq, siz qovluğa daxil ola bilməyəcəksiniz.
Məsələn: scan_folder
Qovluğa sağla klikləyin, sonra Xüsusiyyətlər seçin.
Paylaş tab-vərəqəsində Təkmil Paylaşma klikləyin.
Bu qovluğu paylaş seçin və sonra İcazələr klikləyin.
Qrup və ya istifadəçi adları bölməsində Hər kəs seçin, Dəyişdir bölməsində İcazə ver seçin və sonra OK klikləyin.
Ekranı bağlamaq və Xüsusiyyətlər pəncərəsinə qayıtmaq üçün OK üzərinə klikləyin.
Siz Təhlükəsizlik tab-vərəqəsi > Qrup və ya istifadəçi adları bölməsində hansı qrupların və ya istifadəçilərin şəbəkə qovluğuna daxil ola bilib-bilmədiyini yoxlaya bilərsiniz.
Məsələn: istifadəçi kompüterə daxil olduqda, eləcə də İnzibatçılar şəbəkə qovluğuna daxil ola bilərlər
Paylaş tab-vərəqəsini seçin.
Şəbəkə qovluğu üçün şəbəkə yolu göstərilir. Bu, printer üçün kontaktlarınızda qeydiyyatdan keçən zaman istifadə olunur. Lütfən, onu qeyd edin.
Məsələn: \\EPSPUB313\scan_folder
Pəncərəni bağlamaq üçün Bağla və ya OK üzərinə klikləyin.
Bu, şəbəkə qovluğunun yaradılmasını tamamlayır.