Qo‘goz chaplanayapti yoki ishqalanayapti

Ushbu printer tomonidan qo‘llab-quvvatlanadigan qog‘ozdan foydalaning.

Gorizontal polosalar (chop qilish yo‘nalishiga perpendikulyar) paydo bo‘lganda yoki qog‘ozning yuqori yoki past qismi dog‘langanda qog‘ozni to‘g‘ri yo‘nalishda soling va chekkalar yo‘naltirhichlarini qog‘oz qirralari tomon suring.

Qog‘oz uchun ko‘rsatilgan maksimal varaqlar sonidan ortiq qog‘oz solmang. Oddiy qog‘ozni qirra yo‘naltirgidagi uchburchak belgisidan o‘tadigan tarzda solmang.

Uning qayrilib qolmaganligini tekshirish uchun qog‘ozni tekis yuzaga qo‘ying. Agar u qayrilgan bo‘lsa, uni tekislang.

Qog‘ozning holatini tekshiring. Agar qog‘oz namlikni yutsa, u to‘lqinsimon bo‘lib qolishi, bu esa muammolarga olib kelishi mumkin.

Agar qog‘oz tez-tez chaplanib yoki ishqalanib qolsa, yangi ochilgan qog‘ozdan foydalanib ko‘ring.

Bir marta ochgan qog‘ozingizni plastik qadoqda germetik yopilgan holda saqlang.

Qalin qog‘ozga chop etishda chop qilish kallagi chop qilish sirtiga yaqin joylashgan bo‘ladi va qog‘oz ishqalanishi mumkin. Bu holda ishqalanishni kamaytirish sozlamasini yoqing. Agar siz bu parametrni yoqsangiz, chop qilish sifati pasayishi yoki chop qilish sekinlashishi mumkin.

Boshqaruv paneli

Sozlamalar > Umumiy sozlamalar > Printer sozlamalari-ni tanlang, keyin Qalin qog‘oz-ni yoqib qo‘ying. O‘rnatish opsiyalarini ko‘rish uchun printerning LCD ekraniga qarang.

Agar qog‘oz Qalin qog‘oz yoqilganidan keyin ham dog‘li bo‘lsa, chop qilish zichligini pasaytiring.

Qo‘lda 2 tomonlama chop qilishda qog‘ozni solishdan avval siyohning to‘liq quriganligiga ishonch hosil qiling.

Avtomatik 2 tomonlama chop etish funksiyasidan foydalanayotganda va rasm hamda grafiklar singari yuqori zichlikdagi ma’lumotlar chop etilayotganda bosma zichligini pasaytiring va quritish vaqtini uzaytiring.