DS-900WN/DS-800WN

Упатство за корисникот

> Основи на скенерот > Информации за апликации > Апликација за конфигурирање дејства на скенерот (Web Config) > Како да ја стартувате Web Config во веб-прелистувач

Како да ја стартувате Web Config во веб-прелистувач

Скенерот има вграден софтвер наречен Web Config (веб-страница каде што може да одредувате поставки). За да пристапите до Web Config, во прелистувачот само внесете ја IP-адресата на скенерот поврзан на мрежата.

  1. Проверете ја IP-адресата на скенерот.

    Изберете Поставки > Поставки за мрежа > Статус на мрежа на контролната табла на скенерот. Потоа, изберете го активниот начин на поврзување (Статус на кабелска LAN/ Wi-Fi мрежа или Статус на Wi-Fi Direct) за да ја потврдите IP-адресата на скенерот.

    IP-адреса за пример: 192.168.100.201

  2. Стартувајте прелистувач од компјутер или паметен уред, а потоа внесете ја IP-адресата на скенерот во лентата за адреса.

    Формат: http://IP-адресата на скенерот/

    Пример: http://192.168.100.201/

    Ако се прикаже екран за предупредување во прелистувачот, може слободно да го игнорирате предупредувањето и да ја отворите веб-страницата (Web Config). Бидејќи скенерот користи само-потпишан сертификат при пристап до HTTPS, на прелистувачот се прикажува предупредување кога ќе ја стартувате Web Config; ова не укажува на проблем и може безбедно да се игнорира. Во зависност од прелистувачот, можеби ќе треба да кликнете на Напредни параметри за да се прикаже веб-страницата.

    Пример: за Microsoft Edge

    Белешка:

    • Ако не се прикажува екран за предупредување, одете на следниот чекор.

    • За IPv6-адреси, користете го следниов формат.

      Формат: http://[IP-адресата на скенерот]/

      Пример: http://[2001:db8::1000:1]/

  3. За да ги менувате поставките на скенерот, треба да се најавите како администратор на Web Config.

    Кликнете Log in во горниот десен агол на екранот. Внесете User Name и Current password, а потоа кликнете OK.

    Подолу се наведени почетните вредности за администраторските информации за Web Config.

    ·Корисничко име: нема (празно)

    ·Лозинка: зависно од етикетата залепена на производот.

    Ако има етикета „PASSWORD“ залепена на задната страна, внесете го 8-цифрениот број прикажан на етикетата. Ако не е залепена етикета „PASSWORD“, како почетна администраторска лозинка може да го внесете серискиот број од етикетата залепена на задната страна на производот.

    Белешка:

    • Ако во горниот десен агол на екранот се прикажува Log out, веќе сте најавени како администратор.

    • По приближно 20 минути неактивност, ќе се одјавите автоматски.