Овој скенер е мрежен скенер со три елементи, „Без компјутер“, „Споделување“ и „Безбедност“.
Скенираната слика може да ја испратите до избраната дестинација (како мрежна папка, е-пошта, услуга во облак или USB-уред) користејќи го екранот на допир на скенерот.
Може да ја користите и апликацијата за паметни уреди Epson Smart Panel за да ги одредите поставките за скенерот и да скенирате и зачувувате слики во уредот.
Апликација за скенирање документи од паметен уред (Epson Smart Panel)
Овој скенер има голем екран на допир од 4,3 in. што е лесен за користење.
Може да го прилагодите приказот на екранот според потребите за скенирање. Со промена на иконите и боите на екранот, лесно може да ги најдете претпочитаните поставки за скенирање. Оваа функција е корисна при споделување на скенерот со повеќе од едно лице.
Скенерот има функција за автентикација со којашто може да се врши самостојна автентикација без да се користи сервер. Достапни се повеќе начини на автентикација, на пр. допир на скенерот со ID-картичка. Ако сакате да воспоставите безбедна околина за скенирање, може да спречите случајни дејства со регистрирање различни однапред поставени поставки во приказот на контролната табла за секој корисник, како и со користење на функцијата за управување со евиденцијата на користење.
За да ги овозможите поставките за автентикација, погледнете во Водич за администратори.
Може и да создадете систем за автентикација користејќи сервер за автентикација. За да создадете систем за автентикација, користете Document Capture Pro Server Authentication Edition (скратено: Document Capture Pro Server AE).
За дополнителни информации, контактирајте со локалното претставништво на Epson.
