Откако ќе го користите скенерот одредено време, хартијата и прашината од просторијата на валјакот или на стаклениот дел во внатрешноста на скенерот може да предизвикаат проблеми со внесувањето на хартијата или со квалитетот на скенираните слики. Чистете ја внатрешноста на скенерот на секои 5,000 скенирања.
Може да го проверите последниот број на скенирања на контролната табла или во Epson Scan 2 Utility.
Ако некоја површина има дамки од материјал што тешко се отстранува, користете оригинална опрема за чистење на Epson за да ги отстраните дамките. Користете мало количество средство за чистење на крпата за чистење за да ги отстраните дамките.
Не користете алкохол, разредувач или корозивен растворувач за да го чистите скенерот. Може да дојде до деформација или промена на бојата.
Не распрскувајте течности или подмачкувачи врз скенерот. Оштетувањето на опремата или струјните кола може да предизвика неправилно функционирање.
Не отворајте го куќиштето на скенерот.
Притиснете го копчето 
за да го исклучите скенерот.
Исклучете го адаптерот за наизменична струја од скенерот.
Повлечете ја рачката и отворете го капакот за скенерот.
Избришете ги дамките на пластичниот валјак и на стаклената површина на дното на внатрешноста на капакот за скенерот со мека крпа или со оригинална опрема за чистење на Epson.
Не притискајте премногу на стаклената површина.
Не користете четка или тврда алатка. Гребаници на стаклото може да влијаат врз квалитетот на скенирањето.
Не прскајте средство за чистење директно на стаклената површина.
Избришете ги дамките на сензорите со памучна чепкалка за уши.
Не нанесувајте течност како што е средство за чистење на чепкалката за уши.
Отворете го капакот, а потоа извадете го валјакот за одвојување хартија.
За повеќе детали, погледнете во „Заменување на склопот со валјаци“.
Избришете ја прашината или нечистотијата на валјакот за одвојување хартија користејќи оригинална опрема за чистење на Epson или мека, влажна крпа.
Користете само оригинална опрема за чистење на Epson или мека, влажна крпа за да го исчистите валјакот. Користењето сува крпа може да доведе до оштетување на површината на валјакот.
Отворете го капакот, а потоа извадете го валјакот за земање хартија.
За повеќе детали, погледнете во „Заменување на склопот со валјаци“.
Избришете ја прашината или нечистотијата на валјакот за земање хартија користејќи оригинална опрема за чистење на Epson или мека, влажна крпа.
Користете само оригинална опрема за чистење на Epson или мека, влажна крпа за да го исчистите валјакот. Користењето сува крпа може да доведе до оштетување на површината на валјакот.
Затворете го капакот за скенерот.
Приклучете го адаптерот за наизменична струја, а потоа вклучете го скенерот.
Изберете Одржување на скенер од почетниот екран.
На екранот Одржување на скенер изберете Чистење на валјак.
Повлечете ја рачката за да го отворите капакот за скенерот.
Скенерот влегува во режимот за чистење валјаци.
Бавно вртете ги валјаците на долниот дел допирајќи на кој било дел од LCD. Избришете ја површината на валјаците користејќи оригинална опрема за чистење на Epson или мека крпа навлажнета со вода. Повторувајте го ова додека не ги исчистите валјаците.
Внимавајте да не ги фатите дланките или косата во механизмот кога ракувате со валјакот. Тоа може да предизвика повреда.
Затворете го капакот за скенерот.
Скенерот излегува од режимот за чистење валјаци.