Калі патрабуецца захоўванне прынтара або яго транспарціроўка ў сувязі з пераездам або рамонтам, прытрымлівайцеся наступных парад, каб правільна спакаваць прынтар.
Выключыце прынтар, націснуўшы кнопку 
.
Пераканайцеся, што індыкатар сілкавання патух, пасля чаго выміце шнур сілкавання з разеткі.
Адключыце шнур сілкавання, калі індыкатар сілкавання пагасне. У адваротным выпадку друкавальная галоўка не вернецца ў пачатковае палажэнне, што можа выклікаць высыханне чарніла і немагчымасць друку ў далейшым.
Адключыце ўсе кабелі, у тым ліку шнур сілкавання і кабель USB.
Выміце з прынтара ўсю паперу.
Праверце, каб на прынтары не заставаліся арыгіналы.
Адкрыйце блок сканера з закрытай накрыўкай для дакументаў.
Калі адкрываеце і закрываеце блок сканера, будзьце пільнымі, каб не прышчаміць руку або пальцы. У адваротным выпадку можна атрымаць траўму.
Перавядзіце транспарціровачны замок у заблакіраванае становішча (транспарціроўка).
Транспарціровачны замок спыняе падачу чарніла, каб прадухіліць уцечку чарніла пры транспарціроўцы і захоўванні.
Калі друкавальная галоўка не знаходзіцца ў становішчы, паказаным ніжэй, перамясціце яе рукой.
Прымацуйце друкавальную галоўку да корпуса ліпучай стужкай.
Закрыйце блок сканера.
Упэўніцеся, што крышка картрыджа з чарнілам надзейна надзета на картрыдж з чарнілам.
Надзейна закрыйце крышку блока для картрыджаў з чарнілам.
Падрыхтуйцеся спакаваць прынтар, як гэта паказана ніжэй.
Памясціце прынтар у пластыкавы пакет і шчыльна закрыйце яго.
Пакладзіце прынтар у каробку, выкарыстоўваючы ахоўныя матэрыялы.
Пры пераносцы прынтара падымайце яго ва ўстойлівым становішчы. Падняцце прынтара ў няўстойлівай паставе можа прывесці да пашкоджання.
Паколькі прынтар цяжкі, пераносіць яго падчас транспарціроўкі або распакоўкі павінны два чалавекі.
Пры падняцці прынтара трымайце рукі як паказана ніжэй. Калі пры падняцці прынтара вы трымаеце яго інакш, прынтар можа ўпасці або вы можаце прышчаміць пальцы, калі будзеце яго ставіць.
Пры пераносцы прынтара не нахіляйце яго больш чым на 10 градусаў; інакш прынтар можа ўпасці.
Пры захоўванні або транспарціроўцы прынтара памясціце прынтар у пластыкавы пакет і шчыльна закрыйце яго. Не нахіляйце прынтар, не змяшчайце яго ў вертыкальным палажэнні і не пераварочвайце ўверх дном; гэта можа прывесці да працякання чарніла.
Пры захоўванні і транспарціроўцы бутэлечкі з чарнілам не нахіляйце бутэлечку і не падвяргайце ўдарам або змяненню тэмператур.У адваротным выпадку чарніла можа выцечы, нават калі крышка бутэлечкі шчыльна закрыта.Трымайце бутэлечку вертыкальна, калі закрываеце крышку, і прымайце адпаведныя меры засцярогі для ўхілення працякання чарніла падчас транспарціроўкі бутэлечкі, напрыклад, кладзіце яе ў пакет.
Не змяшчайце адкрытыя бутэлечкі з чарнілам у адну каробку разам з прынтарам.
Пры наступным выкарыстанні прынтара абавязкова зніміце ліпучую стужку з друкавальнай галоўкі і перавядзіце транспарціровачны замок у разблакіраванае становішча (друк). Калі якасць друку пагоршылася, ачысціце і выраўнуйце друкавальную галоўку.