За повеќе информации околу ракувањето со дискот или за запишувањето податоци, погледнете во документацијата испорачана со дискот.
Не печатете на дискот пред да ги запишете податоците на него. Инаку отпечатоци од прсти, нечистотија или гребнатини на површината може да предизвикаат грешки при запишувањето податоци на него.
Зависно од типот на дискот или податоците за печатење, може да дојде до размачкување. Обидете се првин со пробно печатење на резервен диск. Проверете ја испечатената површина откако ќе почекате еден цел ден.
Во споредба со печатењето на оригинална хартија Epson, густината на печатењето е помала за да се спречи размачкување на мастилото врз дискот. Прилагодете ја густината на печатењето по потреба.
Оставете ги отпечатените дискови да се сушат најмалку 24 часа, без да ги изложувате на директна сончева светлина. Не редете ги дисковите еден врз друг и не вметнувајте ги во уредот додека не се исушат сосема.
Ако испечатената површина е леплива дури и откако ќе се исуши, намалете ја густината на печатењето.
Повторното печатење на истиот диск може да не го подобри квалитетот на отпечатеното.
Ако случајно се печати на фиоката за диск/лична карта или на внатрешната проѕирна преграда, веднаш избришете го мастилото.
Зависно од поставката за просторот за печатење, дискот или фиоката за диск/лична карта може да се извалкаат. Одредете поставки за печатење во подрачјето за печатење.
Може да го поставите опсегот за печатење за дискот на најмалку 18 mm за внатрешниот пречник и најмногу 120 mm за надворешниот пречник. Зависно од поставките, дискот или фиоката за диск/лична карта може да се размачкаат. Одредете го опсегот за печатење според дискот што сакате да го печатите.