Прочитајте ги следниве инструкции пред да дополнувате мастило.
Не изложувајте ги шишињата со мастило на директна сончева светлина.
Не чувајте ги шишињата со мастило на високи или екстремно ниски температури.
Epson препорачува користење на шишето со мастило пред датумот испечатен на пакувањето.
Кога складирате или превезувате шише со мастило, не навалувајте го шишето и не подложувајте го на удари или промени на температурата.Инаку може да протече мастило дури и кога капачето на шишето со мастило е цврсто затворено.Внимавајте шишето со мастило да биде исправено кога го затворате капачето и преземете мерки да не протекува мастило кога го превезувате шишето, на пример кога го ставате шишето во торба.
Откако ќе донесете шише со мастило внатре од студен магацин, оставете да се стопли до собна температура барем три часа пред да го употребите.
Не отворајте го пакувањето на шишето додека не ви треба за да го наполните резервоарот за мастило.Шишето со мастило е спакувано вакуумски за да се одржи сигурноста.Ако оставите шише со мастило распакувано подолго време пред да го употребите, може да не биде возможно нормално печатење.
Откако ќе го отворите шишето со мастило, ви препорачуваме да го користите што е можно побргу.
За печатење со првокласен квалитет и за да ја заштитите главата за печатење, во касетите останува различна безбедносна резерва мастило кога печатачот покажува дека треба да се дополни мастило.Наведените страници што може да се испечатат не ја вклучуваат резервата.
За најдобри резултати на печатење, не одржувајте ниски нивоа на мастило за продолжени временски периоди.
Користете шишиња со мастило со правилна шифра на дел за печатачот.
Со мастилото за овој печатач мора да се ракува внимателно. Мастилото може да испрска кога резервоарите за мастило се полнат или се дополнуваат. Ако ви капне мастило на облеката или некој предмет, може да не се извади.
Не тресете премногу силно и не притискајте ги шишињата со мастило.
Продолженото користење на печатачот кога нивото на мастилото е под долната линија може да го оштети печатачот. Наполнете го резервоарот со мастило до горната линија додека печатачот не работи. За точно да се прикаже проценетото ниво на мастило, ресетирајте го нивото на мастило откако ќе го наполните резервоарот.
За да се одржат оптимални перформанси на главата за печатење, дел од мастилото се троши од сите резервоари за мастило при постапките за одржување, како на пр. чистењето на главата за печатење. Исто така, може да се троши мастило и кога го вклучувате печатачот.
Кога печатите еднобојно или во сиви тонови, може да се користат мастилата во боја наместо црното мастило во зависност од видот хартија или поставките за квалитет на печатењето. Причината е што се користи мешавина на мастилата во боја за да се добие црна боја.
Мастилото во шишињата со мастило испорачани со печатачот се користи делумно при првичното поставување.За да се произведат висококвалитетни отпечатоци, главата за печатење на печатачот се полни целосно со мастило.Овој еднократен процес троши извесно количество мастило и затоа тие шишиња може да испечатат помалку страници во споредба со следните.
Наведените количини може да се разликуваат во зависност од сликите што ги печатите, типот хартија што го користите, зачестеноста на печатење и надворешните услови, како што е температурата.
Визуелно проверете ги нивоата на мастило во конкретните резервоари за мастило. Ако продолжите да го користите печатачот кога мастилото е потрошено, може да го оштетите печатачот. Epson препорачува дополнување на резервоарот за мастило до горната линија кога не се работи со печатачот за да се ресетира нивото на мастило.