Можете да користите некој од следниве начини за печатење на двете страни од хартијата.
Автоматско двострано печатење
Рачно двострано печатење
Кога печатачот ќе ја отпечати првата страна, свртете ја хартијата за да печати на другата.
Оваа функција не е достапна за печатењето без рамки.
Ако не користите хартија што е соодветна за двострано печатење, квалитетот на печатењето може да биде послаб и може да дојде до заглавување на хартијата.
Зависно од хартијата и податоците, може да пробие мастило на другата страна од хартијата.
EPSON Status Monitor 3 мора да биде овозможено за да вршите рачно двострано печатење. Ако EPSON Status Monitor 3 е оневозможено, отворете го прозорецот на двигателот за печатачот, кликнете Проширени поставки во картичката Одржување, па изберете Вклучи EPSON Status Monitor 3.
Меѓутоа, ова може да не е достапно кога до печатачот се пристапува преку мрежа или кога се користи како споделен печатач.
Во картичката Главна на двигателот за печатачот, изберете го методот за Двострано печатење.
Кликнете Поставки, одредете ги соодветните поставки, а потоа кликнете OK.
Кликнете Густина на печатење, одредете ги соодветните поставки, а потоа кликнете OK.
Кога поставувате Густина на печатење, може да ја приспособите густината на печатење според типот на документот.
Оваа поставка не е достапна кога ќе изберете рачно двострано печатење.
Печатењето може да биде бавно во зависност од комбинацијата на опции што се избрани за Густина на печатење во прозорецот Изберете вид на документот и за Квалитет во картичката Главна.
Одредете ги останатите ставки во картичките Главна и Повеќе опции според потребите, а потоа кликнете OK.
Кликнете Печати.
За рачно двострано печатење, откако ќе заврши печатењето на првата страна, на компјутерот ќе се прикаже скок-прозорец. Следете ги инструкциите на екранот.