Може безжично да печатите фотографии од дигитални фотоапарати што го поддржуваат стандардот DPS преку IP (во понатамошниот текст: PictBridge (безжична LAN)).
Уверете се дека на почетниот екран се прикажува иконата што означува дека печатачот е поврзан со безжична мрежа.
Ставете хартија во печатачот.
Изберете Поставки > Поставки за печатење на камера на контролната табла.
Изберете Поставки за печатење или Прилагодув. на фотогр. и променете ги поставките ако е потребно.
Поврзете го дигиталниот фотоапарат со истата мрежа на којашто е поврзан печатачот.
Отворете го списокот со достапни печатачи на дигиталниот фотоапарат и изберете го печатачот со којшто сакате да се поврзете.
За да го проверите името на печатачот, допрете на иконата за статус на мрежата на почетниот екран.
Ако дигиталниот фотоапарат има функција со којашто може да регистрирате печатачи, може да го поврзете со печатачот така што ќе го изберете за следниот пат.
Изберете ги фотографиите од дигиталниот фотоапарат што сакате да ги печатите, одредете поставки како на пр. бројот на примероци, па почнете да печатите.
Прекинете ја врската PictBridge (безжична LAN) со печатачот од дигиталниот фотоапарат.
Кога користите PictBridge (безжична LAN), не може да користите други функции на печатачот или да печатите од други уреди. Кога ќе завршите со печатење, веднаш прекинете ја врската.