Пробајте со решавање на следниве проблеми по ред, почнувајќи од врвот, додека не го решите проблемот.
Погрижете се типот на хартијата ставена во печатачот и типот на хартијата одредена на печатачот да соодветствуваат со поставките за типот на хартијата во двигателот за печатачот.
Користете поставка за повисок квалитет во контролната табла или во двигателот за печатачот.
За да проверите колку всушност мастило има останато, визуелно проверете го нивото на мастило во резервоарот на печатачот. Дополнете го резервоарот за мастило ако нивото на мастилото е под подолната линија.
Порамнете ја главата за печатење.
Извршете проверка на прскалките за да видите дали прскалките на главата за печатење се затнати.
Ако недостасуваат сегменти во шаблонот за проверка на прскалките, прскалките можеби се затнати. Наизменично повторувајте ги чистењето на главата и проверката на прскалките 3 пати или извршете Интензивно чистење еднаш, па проверете дали прскалките се исчистени.
Имајте предвид дека за чистењето на главата за печатење се троши одредено количество мастило.
Исклучете го печатачот, почекајте најмалку 12 часа, а потоа проверете дали прскалките се исчистени.
Ако прскалките се затнати, проблемот можеби ќе се реши и ако го оставите печатачот одредено време без да печатите.
Проверете го следново додека печатачот е исклучен.
Проверете дали користите оригинални шишиња со мастило Epson.
Обидете се да користите оригинални шишиња со мастило Epson.Користењето неоригинални шишиња мастило може да предизвика послаб квалитет на печатењето.
Погрижете се да нема остатоци од хартија во внатрешноста на печатачот.
Кога ја вадите хартијата, не допирајте ја проѕирната фолија со раката или со хартијата.
Проверете ја хартијата.
Проверете дали хартијата е извиткана или внесена со страната за печатење свртена нагоре.
Ако го исклучите печатачот, почекајте најмалку 12 часа, па ако квалитетот на печатењето сè уште не се подобрува, извршете Засилено миење на мастило.
Во текот на двонасочното печатење, главата за печатење печати додека се движи во двете насоки, па вертикалните линии може да не бидат порамнети. Ако квалитетот на печатење не се подобрува, оневозможете ја поставката за двонасочно печатење. Ако ја оневозможите оваа поставка, брзината на печатење може да се намали.
Windows
Отштиклирајте Двонасочно печатење во картичката Повеќе опции на двигателот за печатачот.
Mac OS
Изберете Системски претпочитани вредности од менито Apple > Печатачи и скенери (или Печати и скенирај, Печати и испрати факс), а потоа изберете го печатачот. Кликнете Опции и производи > Опции (или Двигател). Изберете Off како поставка за Двонасочно печатење.
Ако не можете да го решите проблемот со решенијата наведени погоре, можеби ќе треба да побарате сервисирање. Контактирајте со службата за техничка поддршка на Epson.