Големината и типот на хартијата може да ги проверите или да ги промените во екранот што се прикажува кога ќе ја вметнете касетата за хартија. Ако ги регистрирате големината и типот на хартијата, печатачот ве информира кога регистрираните информации се разликуваат од поставките за печатење. Со ова се спречува непотребно трошење на хартијата и мастилото бидејќи не печатите на хартија со несоодветна големина, но и не печатите со недоволен квалитет на печатењето поради поставки што не се соодветни за типот на хартијата.
Ако прикажаната големина и типот на хартијата се разликуваат од оние на ставената хартија, изберете Смени за да извршите промени. Изберете ги големината и типот на хартијата, проверете ги поставките, а потоа притиснете го копчето OK. Ако поставките се соодветни за ставената хартија, изберете Потврди.
Ако не сакате екранот со поставки за хартијата да се прикажува автоматски кога ќе ја вметнете касетата за хартија, на почетниот екран изберете Поставки > Поставување на печатачот > Пост. за изв. хар. > Ав. при. на пос. хар., а потоа изберете Исклучено.