Quyidagi yechimlarni sinab ko'ring.
Kirish nuqtasini qaytadan ishga tushiring (tarmoqdan foydalanayotgan bo'lishi mumkin bo'lgan boshqa foydalanuvchilarni hisobga oling).
Uning to'g'ri ishlayotganligiga ishonch hosil qilish uchun kirish nuqtasining holatini tekshiring. Batafsil ma'lumotlar olish uchun kirish nuqtasi bilan birga berilgan hujjatlarga qarang.
Agar kompyuter kirish nuqtasidan signallarni qabul qila olmasa, ularni bir-birlariga yaqin keltiring. Agar halaqitlar sodir bo'lsa, ularni elektromagnit to'lqinlar yoki radioto'lqinlar chiqaruvchi jihozlardan uzoqlashtiring.
Xaddan tashqari ko'p qurilmalardan ulanishlarni qabul qilayotgan tarmoqqa ulana olmasligingiz mumkin. Foydalanilmayotgan qurilmalarni o'chirish orqali tarmoqqa ulangan qurilmalar sonini kamaytiring.
Agar IP-manzillar kelishmovchiligi yuz bersa, tarmoq ulanishi beqaror bo'lishi yoki tarmoqqa ulanib bo'lmasligi mumkin. Har bir tarmoq qurilmasiga alohida IP-manzil tayinlang.
Agar bir nechta tarmoq adapterlari yoqilgan bo'lsa, tarmoqqa ulana olmaysiz. Foydalanilmayotgan tarmoq adapterlarini o'chiring.
Agar kompyuter bilan kirish nuqtasi o'rtasidagi simsiz kanallar mos kelmasa, ular bir-biriga ulana olmaydi.
Wi-Fi adapteriga ega bo'lgan kompyuterlarda mavjud simsiz kanallar cheklab qo'yilishi mumkin. Kompyuterning kirish nuqtasida o'rnatilgan simsiz kanalga egaligini tekshiring.
Kirish nuqtasi uchun SSID identifikatorini topa olmasangiz, SSID identifikatori yashiri qo'yish rejimiga o'rnatilgan bo'lishi mumkin. Agar u yashiringan rejimga o'tkazilgan bo'lsa, SSID identifikatorini va parolni bevosita kompyuteringizdan kiriting.
Windows da tarmoq ko'prigi yaratilgan hollarda tarmoqqa ulana olmasligingiz mumkin. Tarmoq ko'prigini o'chiring.