WF-7310 Series

Упатство за корисникот

> Одржување на печатачот > Подобрување на квалитетот на печатење > Проверка и чистење на главата за печатење

Проверка и чистење на главата за печатење

Ако прскалките се затнати, отпечатениот материјал е блед, има забележителни пруги или се појавуваат неочекувани бои. Ако прскалките се целосно затнати, ќе се отпечати празен лист. Кога ќе се намали квалитетот на печатењето, прво употребете ја функцијата за проверка на прскалките и проверете дали прскалките се затнати. Ако прскалките се затнати, исчистете ја главата за печатење.

Важно:

  • Не отворајте го капакот на печатачот и не исклучувајте го печатачот за време на чистење на главата за печатење. Ако чистењето на главата е нецелосно, може да не биде можно печатење.

  • За чистењето на главата се троши мастило и не треба да се врши повеќе отколку што е потребно.

  • Кога мастилото е потрошено, може нема да можете да ја исчистите главата за печатење.

  • Ако квалитетот на печатењето не се подобрува откако 3 пати ќе се повтори проверката на прскалките и ќе се исчисти главата, почекајте барем 12 часа без печатење, а потоа, ако е потребно, повторно проверете ги прскалките и исчистете ја главата. Препорачуваме да го исклучите печатачот со притискање на копчето . Ако квалитетот на печатењето не се подобри, контактирајте со службата за поддршка на Epson.

  • За да спречите сушење на главата за печатење, не откачувајте го печатачот додека е вклучен.

  1. Изберете Одржување на контролната табла на печатачот.

    За да изберете ставка, користете ги копчињата , а потоа притиснете го копчето OK.

  2. Изберете Проверка на прскалката на главата за печатење.

  3. Следете ги инструкциите на екранот за да ставите хартија и да го отпечатите шаблонот за проверка на прскалките.

  4. Проверете го отпечатениот шаблон.

    • Ако има испрекинати линии или сегменти што недостасуваат, како што е покажано на шаблонот „NG“, прскалките на главата за печатење можеби се затнати. Одете на следниот чекор.
    • Ако не забележувате испрекинати линии или сегменти што недостасуваат, како на следниот шаблон „OK“, прскалките не се затнати. Не е неопходно чистење на главата за печатење. Изберете за да излезете.

  5. Изберете .

  6. Следете ги инструкциите на екранот за да ја исчистите главата за печатење.

  7. Кога чистењето ќе заврши, следете ги инструкциите на екранот за повторно да го отпечатите шаблонот за проверка на прскалките. Повторувајте го чистењето и печатењето на шаблонот додека линиите да се отпечатат целосно.

Белешка:

Главата за печатење може да ја проверите и чистите и преку двигателот за печатачот.

  • Windows

    Кликнете Проверка на прскалката на главата за печатење на картичката Одржување.

  • Mac OS

    Мени Apple > Системски претпочитани вредности > Печатачи и скенери (или Печати и скенирај, Печати и испрати факс) > Epson(XXXX) > Опции и потрошни материјали > Услужна програма > Отвори ја услужната програма за печатачот > Проверка на прскалката на главата за печатење