WF-C878R Series

Foydalanuvchi qo‘llanmasi

> Mahsulot to‘g‘risidagi ma’lumotlar > Sozlamalar menyusi ro‘yxati > Umumiy sozlamalar > Printer sozlamalari

Printer sozlamalari

Quyida bayon qilingani kabi boshqaruv panelidagi menyularni tanlang.

Sozlamalar > Umumiy sozlamalar > Printer sozlamalari

Administrator tomonidan qulflab qo‘yilgan sozlamalarni o‘zgartira olmaysiz.

Qog'oz manbasi sozlamalari:
Qog‘oz:

Solingan qog‘oz o‘lchami va turini ko‘rsatish uchun qog‘oz manbasini tanlang. Qo‘goz o‘lchamini avto-aniqlash yoqilgan bo‘lsa, printer solingan qog‘oz o‘lchamini aniqlaydi.

Qog‘oz lotogi ustuvorligi:

Printer avval qog‘oz uzatish lotokidagi qog‘ozga chiqarishi uchun Yoniq ni tanlang.

A4/Letter avtomatik almashtirish:

Letter sifatida belgilangan qog‘oz manbasi yo‘q bo‘lganida A4 o‘lchamdagi qog‘oz manbasidan qog‘oz uzatishi yoki A4 sifatida belgilangan qog‘oz manbasi yo‘q bo‘lganida Letter o‘lchamidagi qog‘oz manbasidan uzatishi uchun Yoniq qilib qo‘ying.

Avto tanlash sozlamalari:

Qogʻoz tugagach, qoʻgoz chop etish vazifalari sozlamalarida belgilangan sozlamalar bilan bir xil qogʻoz sozlamalaridagi qogʻoz manbasidan avtomatik uzatiladi. Siz nusxa olish, faks yoki boshqalardagi har bir funksiya uchun qogʻoz manbasini avtomatik tanlashni sozlashingiz mumkin. Hammasini faolsizlantira olmaysiz.

Chop etish vazifalari uchun qogʻoz sozlamalarida muayyan qog‘oz manbasini tanlaganingizda, bu sozlama faolsizlantiriladi. Printer drayveridagi Asosiy sahifasida belgilangan qog‘oz turiga qarab, qog‘oz avtomatik uzatilmasligi ham mumkin.

Xatolik xabari:

Tanlangan qog‘oz o‘lchami yoki turi solingan qog‘ozga mos kelmaganida xato xabarini ko‘rsatish uchun Yoniq qilib qo‘ying.

Qog‘ozni sozlashni avtomatik ko‘rsatish:

Qog‘oz kassetasiga qog‘oz solayotganda Qog‘oz ekrani aks ettirilishi uchun Yoniq bandini tanlang. Agar bu xususiyatni o‘chirib qo‘ysangiz, AirPrint yordamida iPhone, iPad yoki iPod touch orqali chop eta olmaysiz.

Boshqa qog‘oz o‘lchamlari ro‘yxati:

Foydalanuvchi tomonidan aniqlangan o‘lcham sozlamasini o‘zgartirish mumkin. Bu tez-tez noodatiy o‘lchamdagi qog‘ozga chop qilganda foydalidir.

Bosma tili:

USB interfeysi yoki tarmoq interfeysi uchun chop etish tilini tanlang.

Universal bosma sozlamalari:

Printer drayveridan foydalanmasdan, tashqi qurilma orqali chop etganda ushbu parametrlar qo‘llanadi. Siljish sozlamalari printer drayveridan foydalanib chop qilishda qo‘llaniladi.

Yuqoridan siljish:

Qog‘ozning yuqori hoshiyasini sozlang.

Chapdan siljish:

Qog‘ozning chap hoshiyasini sozlang.

Orqada yuqoridan siljish:

2 tomonlama chop etishda qog‘ozning orqa tomoni uchun yuqori hoshiyani sozlang.

Orqada chapdan siljish:

2 tomonlama chop etishda qog‘ozning orqa hoshiyasi uchun chap hoshiyani sozlang.

Qog'oz enini tekshiring:

Chop etishdan oldin qog‘oz enini tekshirish uchun Yoniq qilib qo‘ying. Agar qog‘oz o‘lchami parametri noto‘g‘ri bo‘lsa, bu qog‘ozning chetiga chop qilishning oldini oladi, biroq bu chop qilish tezligini pasaytirishi mumkin.

Bo'sh betni tashlab ketish:

Chop qilinayotgan ma’lumotlardagi bo‘sh sahifalarni avtomatik ravishda o‘tkazib yuboradi.

Rangni sozlash:

Yorqinlik va kontrast kabi parametrlarni sozlang va tashqi qurilmadan bosib chiqarishda rangni to‘g‘rilang. Ushbu xususiyat yoqilgan bo‘lsa, printerning rangini to‘g‘irlash sozlamalari standart printer drayveri sozlamalariga qaraganda ustunlikka ega.

  • Ravshanlik

  • Kontrast

  • Rangning to‘yinganligi

  • Qizil rang muvozanati

  • Yashil rang muvozanati

  • Ko‘k rang muvozanati

PDL chop etish konfiguratsiyasi:

O‘zingiz PCL yoki PostScript chop qilish uchun foydalanmoqchi bo‘lgan PDL chop etish konfiguratsiyasi sozlamalarni tanlang.

Umumiy sozlamalar:

  • Qog'oz o'lchami

    PCL yoki PostScript bosma uchun odatiy qog‘oz o‘lchamini tanlang.

  • Qog'oz turi

    PCL yoki PostScript bosma uchun odatiy qog‘oz turini tanlang.

  • Joylashuv

    PCL yoki PostScript bosma uchun odatiy yo‘nalishni tanlang.

  • Sifat

    PCL yoki PostScript bosma uchun bosma sifatini tanlang.

  • Siyohni tejash rejimi

    Bosma zichligini kamaytirish orqali siyohni tejash uchun Yoniq qilib qo‘ying.

  • Chop etish tartibi

    Oxirgi sahifa eng tepada

    Faylning birinchi sahifasidan boshlab chop etadi.

    Birinchi sahifa eng tepada

    Faylning oxirgi sahifasidan boshlab chop etadi.

  • Nusxalar soni

    Chop qilinadigan nusxalar sonini qo‘ying.

  • Tikish hoshiyasi

    Qistirish o‘rnini tanlang.

  • Qog‘ozni avtomatik ravishda chiqarish

    Chop etish paytida to‘xtab qolsa, qog‘ozni avtomatik ravishda chiqarib yuborish uchun Yoniq qilib qo‘ying.

  • 2 tomonli chop etish

    2 tomonli chop etish uchun Yoniq qilib qo‘ying.

PCL menyusi:

  • Shrift manbasi

    Rezident

    Printerda oldindan o‘rnatilgan shriftni ishlatish uchun tanlang.

    Yuklab olish

    Yuklab olingan shriftni ishlatish uchun tanlang.

  • Shrift raqami

    Odatiy shrift manbasi uchun odatiy shrift raqamini tanlang. Mavjud raqam qo‘yilgan sozlamalarga bog‘liq bo‘ladi.

  • Pitch

    Shrift ko‘lamini o‘zgartirib bo‘lsa va o‘zgarmas qadamli bo‘lsa, odatiy shrift qadamini qo‘ying. 0,44 dan 99,99 cpi (belgi/dyuym) gacha qo‘yish mumkin, 0,01 qadamda.

    Shrift manbasi yoki shrift raqami sozlamalariga qarab, bu element ko‘rsatilmasligi mumkin.

  • Bo‘yi

    Shrift ko‘lamini o‘zgartirib bo‘lsa va proporsional bo‘lsa, odatiy shrift bo‘yini qo‘ying. 4,00 dan 999,75 birlikkacha qo‘yish mumkin, 0,25 qadamda.

    Shrift manbasi yoki shrift raqami sozlamalariga qarab, bu element ko‘rsatilmasligi mumkin.

  • Belgilar to‘plami

    Odatiy belgi to‘plamini tanlang. Agar shrift manbasida tanlangan shrift mavjud bo‘lmasa va yangi belgi jadvalida shrift raqami sozlamasi yo‘q bo‘lsa, font manbasi va font raqami sozlamalari avtomatik ravishda odatiy qiymatga qo‘yiladi, IBM-US.

  • Shakl

    Tanlangan qog‘oz o‘lchami va yo‘nalishi uchun qatorlar sonini belgilang. Buning oqibatida qatorlar orasi (VMI) o‘zgaradi va yangi VMI qiymati printerda saqlanadi. Sahifa o‘lchami yoki yo‘nalish sozlamalari keyinchalik o‘zgartirilsa, saqlangan VMIga asoslanib, Shakl qiymati ham o‘zgaradi.

  • CR funksiyasi

    Muayyan operatsion tizimdagi drayver bilan chop etishda qator uzatish buyrug‘ini tanlang.

  • LF funksiyasi

    Muayyan operatsion tizimdagi drayver bilan chop etishda qator uzatish buyrug‘ini tanlang.

  • Qog‘oz manbasini tayinlash

    Qog‘oz manbasini tanlash buyrug‘i uchun tayinlov qo‘ying. 4 tanlansa, buyruqlar HP LaserJet 4 bilan muvofiq qilib tayinlanadi. 4K tanlansa, buyruqlar HP LaserJet 4000, 5000 va 8000 bilan muvofiq qilib tayinlanadi. 5S tanlansa, buyruqlar HP LaserJet 5S bilan muvofiq qilib tayinlanadi.

PS menyusi:

  • Xato varag‘i

    PostScript yoki PDF chop etishda xatolik yuz bersa, holatni ko‘rsatuvchi varaqni chiqarish uchun Yoniq qilib qo‘ying.

  • Bo‘yoq

    PostScript bosma uchun rang rejimini tanlang.

  • Ikkilik

    Ikkilik tasvirlar mavjud faylni chop etayotganda Yoniq qilib qo‘ying. Printer drayveri sozlamasi ASCII qilib qo‘yilgan bo‘lsa ham, ilova ikkilik axborot yuborishi mumkin, ammo bu funksiya yoqilganida axborotni chop etish mumkin.

  • PDF sahifa o‘lchami

    PDF faylini chop etishda qog‘oz o‘lchamini tanlang. Agar Auto tanlansa, qog‘oz o‘lchami birinchi sahifaga asoslanib aniqlanadi.

Avtomatik xato tuzatkich:

2 tomonli chop etishda muammo yuz bersa yoki xotira to‘lib qolsa, bajariladigan amalni tanlang.

  • Yoniq

    2 tomonli chop etishda xato yuz bersa, ogohlantirish ko‘rsatib, bir tomonli rejimda chiqaradi, xotira to‘lib qolgani xatosi ko‘rsatilsa, printer ishlov bera olgan qismnigina chiqaradi.

  • Off

    Xatolik xabarini ko‘rsatadi va chop etishni bekor qiladi.

Xotira qurilmasi interfeysi:

  • Xotira qurilmasi:

    Printer qo‘yilgan xotira qurilmasiga kira olishi uchun Yoqish qilib qo‘ying.Agar O'chirib qo'yish tanlansa, axborotlarni printer yordamida xotira qurilmasiga saqlab bo‘lmaydi.Shunda maxfiy hujjatlarning o‘g‘irlanishiga chek qo‘yiladi.

  • Fayl o‘tkazish:

    USB orqali yoki tarmoq orqali ulangan kompyuterdagi xotira qurilmasiga yozish huquqini berish yoki bermaslikni tanlang.

Qalin qog‘oz:

Bosmada siyoh chaplanib ketmasligi uchun Yoniq qilib qo‘ying, ammo chop etish sekinlashishi mumkin.

Sokin rejim:

Chop etish paytida shovqinni kamaytirish uchun Yoniq qilib qo‘ying, ammo chop etish sekinlashishi mumkin. Siz tanlagan qog'oz turi va chop qilish sifati parametrlariga bog'liq ravishda printerning shovqin darajasida farq bo'lmasligi mumkin.

Siyohning qurish vaqti:

2 tomonli chop etishda siyohning qurish vaqtini tanlang.Bir tomonni chop etib bo‘lgandan so‘ng printer boshqa tomonni chiqaradi.Bosma chaplanib ketgan bo‘lsa, vaqtni uzaytiring.

Ikki tomonlama:

Chop etish yo‘nalishini o‘zgartirish uchun Yoniq qilib qo‘ying; Chop etish kallagi chapga va o‘ngga siljiyotganda chop etadi.Agar bosmadagi vertikal yoki gorizontal chiziqlar xiralashgan yoki notekis ko‘rinsa, bu xususiyatni o‘chirib qo‘yish orqali muammoni yechish mumkin; ammo buning oqibatida chop etish tezligi pasayishi mumkin.

USB orqali kompyuterga ulanish:

USB orqali ulanganda kompyuter printerga kirishiga ruxsat berish uchun Yoqish qilib qo‘ying. O'chirib qo'yish tanlansa, tarmoq orqali yuborilmagan chop etish yoki skanerlash vazifasi bajarilmaydi.

USB interfeysi uchun tanaffus parametri:

Printer PostScript printer drayveri yoki PCL printer drayveridan chop etish vazifasini olgandan so‘ng kompyuter bilan USB aloqani uzish uchun o‘tishi kerak bo‘lgan vaqtni soniyada kiriting. Agar PostScript printer drayveri yoki PCL printer drayverida vazifaning tugashi aniq ko‘rsatilmagan bo‘lsa, USB aloqasi to‘xtovsiz davom etishi mumkin. Bu holda printer belgilangan vaqtdan so‘ng aloqani uzadi. Aloqani uzmaslik uchun 0 (nol) kiriting.

Aloqador ma’lumotlar