Принтердегі желдеткіш тесіктерді және саңылауларды бітемеңіз немесе жаппаңыз.
Принтердің белгісінде көрсетілген қуат көзін ғана пайдаланыңыз.
Фото көшіру құрылғылары немесе ауа ағынын басқаратын жүйелер үнемі қосылып не өшіп тұратындықтан, розеткаларды бір тізбекте пайдаланбаңыз.
Қабырға ток аударғыштар немесе автоматты таймерлер арқылы басқарылатын электр розеткаларын пайдаланбаңыз.
Бүкіл компьютер жүйесін дауыс зорайтқыштар немесе сымсыз телефондардың негізгі блогы сияқты электромагниттік кедергілердің ықтимал көздерінен қашық сақтаңыз.
Қуат сымын үйкелмейтін, кесілмейтін, тозбайтын, майыспайтын және ширатылмайтын жерге орналастырыңыз. Қуат сымының үстіне заттар қоймаңыз және қуат сымының басылуына немесе езілуіне жол бермеңіз. Барлық қуат сымдарының ұшын және оны электр тогын өңдегішке кіретін және шығатын жағын тік ұстауға аса назар аударыңыз.
Егер принтермен ұзартқыш сым пайдалансаңыз, ұзартқыш сымға қосылған құрылғылардың жалпы номиналды тогы сымның номиналды тогынан аспайтынына көз жеткізіңіз. Оған қоса, қабырғалық розеткаға қосылған барлық құрылғылардың жалпы номиналды тогы қабырғалық розетканың номиналды тогынан аспайтынына көз жеткізіңіз.
Егер принтерді Германияда пайдалануды жоспарласаңыз, ғимаратта принтерді қысқа тұйықталудан және токтың шамадан тыс жүктелуінен қорғайтын 10 немесе 16 амперлік ажыратқыш болуы тиіс.
Принтерді компьютерге немесе басқа құрылғыға кабельмен жалғаған кезде, қосқыштары дұрыс бағытта екеніне көз жеткізіңіз. Әрбір қосқышта тек бір дұрыс бағыты бар. Қосқыштарды бұрыс бағытпен енгізу кабельмен жалғанған құрылғыларды зақымдауы мүмкін.
Принтерді барлық бағытта оның негізінен асатын тегіс, тұрақты бетке орналастырыңыз. Принтер қисайып тұрса, дұрыс жұмыс істемейді.
Құжат қақпағын толығымен көтере алу үшін принтердің жоғарғы жағында бос орын қалдырыңыз.
Қағаз толығымен шығуы үшін принтердің алдыңғы жағында жеткілікті бос орын қалдырыңыз.
Температурасы немесе ылғалдылығы жылдам ауысатын жерлерге орналастырмаңыз. Оған қоса, принтерді тікелей күн сәулесі, қатты жарық көздері немесе жылу көздерінен сақтаңыз.