Не изложувајте ги касетите со мастило на директна сончева светлина.
Не чувајте ги касетите со мастило на високи или екстремно ниски температури.
За најдобри резултати, Epson препорачува да ги искористите касетите со мастило пред да им истече рокот за употреба отпечатен на пакувањето, а најдоцна шест месеци по отворањето на пакувањето.
За најдобри резултати, чувајте ги пакувањата на касетите со мастило со дното надолу.
Откако ќе ја земете касетата за мастило од ладно место за чување, почекајте да се загрее на собна температура најмалку три часа пред употреба.
Не отворајте го пакувањето на касетата со мастило додека не сте подготвени да ја инсталирате во печатачот. Касетата со мастило е спакувана вакуумски за да се одржи сигурноста. Ако оставите касета распакувана подолго време пред да ја употребите, може да не биде возможно нормално печатење.
Не допирајте ги деловите прикажани на илустрацијата. Тоа може да влијае врз нормалното работење и печатење.
Ставете ги сите касети за мастило, инаку не можете да печатите.
Не заменувајте ги касетите со мастило кога е исклучено напојувањето. Не движете ја главата за печатење со рака, инаку може да го оштетите печатачот.
Откако ќе инсталирате касета со мастило, светлото за напојување продолжува да трепка додека печатачот полни мастило. Не исклучувајте го печатачот за време на полнењето со мастило. Ако полнењето со мастило е нецелосно, може да не биде можно печатење.
Не оставајте го печатачот со отстранети касети за мастило и не исклучувајте го печатачот за време на замена на касетите. Во спротивно, преостанатото мастило во прскалките на главата за печатење ќе се исуши и може да не биде можно печатење.
Внимавајте да не дозволите прав или нешто друго да навлезе во држачот за касети со мастило. Туѓи материи во држачот може сериозно да ги влошат резултатите на печатењето или да го оневозможат. Ако навлезе нешто во држачот, отстранете го внимателно.
Ако ја извадите касетата од печатачот за подоцнежна употреба или за да ја фрлите, внимавајте да го вратите капачето на отворот за довод на мастило на касетата за да спречите сушење на мастилото или за да не се замачкаат околните области со мастило. Добро поставете го капачето додека не кликне.
Ако ја отстраните касетата за мастило од печатачот за подоцнежна употреба, Epson препорачува да ја користите што е можно побргу.
Печатачот користи касети со мастило опремени со зелен чип што ги следи информациите како количеството преостанато мастило за секоја касета. Тоа значи дека дури и кога касетата ќе се извади од печатачот пред да се потроши, уште може да ја користите касетата откако ќе ја вратите во печатачот. Меѓутоа, кога враќате касета, може да се потроши дел од мастилото за да се обезбедат перформансите на печатачот.
За максимална ефикасност на мастилото, вадете ги касетите со мастило само кога сте подготвени да ги замените. Касетите со мастило со малку мастило може да не се употребат кога ќе се вратат.
За печатење со првокласен квалитет и за да ја заштитите главата за печатење, во касетите останува различна количина мастило како резерва кога вашиот печатач покажува дека треба да се замени касетата за мастило. Наведените страници што може да се испечатат не ја вклучуваат резервата.
Не расклопувајте ја или не преправајте ја касетата за мастило, зашто во спротивно можеби не ќе можете да печатите нормално.
Не можете да ги користите касетите доставени со печатачот како касети за замена.
Завршете ја замената на касетите со мастило веднаш. Не оставајте го печатачот со извадени касети со мастило.
За да се одржат оптимални перформанси на главата за печатење, дел од мастилото се троши од сите касети при постапките за одржување. Исто така, може да се троши мастило и кога ги заменувате касетите со мастило или кога го вклучувате печатачот.
Кога печатите еднобојно или во сиви тонови, може да се користат мастилата во боја наместо црното мастило во зависност од видот хартија или поставките за квалитет на печатењето. Причината е што се користи мешавина на мастилата во боја за да се добие црна боја.
Мастилото во касетите за мастило, испорачани со Вашиот печатач, делумно се користи при почетното поставување. За да се произведат висококвалитетни отпечатоци, главата за печатење на печатачот се полни целосно со мастило. При овој првичен процес се троши одредена количина мастило и затоа со овие касети можеби ќе отпечатите помалку страници во споредба со наредните касети за мастило.
Наведените количини може да се разликуваат во зависност од сликите што ги печатите, типот хартија што го користите, зачестеноста на печатење и надворешните услови, како што е температурата.