Əgər printer İnternetə qoşulubsa, idarə panelindən istifadə etməklə printer proqramını yeniləyə bilərsiniz. Proqramı yeniləməklə printerin məhsuldarlığı arta və ya yeni funksiyalar əlavə edilə bilər. Həmçinin printerin müntəzəm olaraq proqram yeniləmələrini yoxlamasını və əlçatan yeniləmələr olduqda sizi xəbərdar etməsini təyin edə bilrəsiniz.
Əsas ekranda Settings seçin.
Firmware Update > Update seçin.
Mütəmadi olaraq proqram yeniləmələrini yoxlamaq məqsədilə printeri qurmaq üçün Notification seçimini aktivləşdirin.
Ekranda göstərilən mesajı yoxlayın və Start Checking seçin.
Ekranda göstərilən mesajı yoxlayın və Start seçin.
Yeni proqram tapılanda, proqram yenilənir. Yeniləmə başladıqdan sonra onu dayandırmaq olmaz.
Yenilənmə tamamlanana qədər printeri söndürməyin və ya cərəyandan ayırmayın. Belə etmək printerin nasazlığına səbəb ola bilər.
Proqram yeniləməsi tamamlanmayıbsa və ya uğursuz olarsa, printer normal işə düşmür və növbəti dəfə printer işə salınanda LCD ekranında "Recovery Mode" göstərilir. Bu halda, kompüterdən istifadə etməklə, proqramı yenidən yeniləməlisiniz. Printeri kompüterə USB kabel vasitəsilə qoşun. Printerdə "Recovery Mode" görünürsə, proqramı şəbəkə bağlantısı ilə yeniləyə bilməzsiniz. Kompüterdə lokal Epson vebsaytına daxil olun və ən son printer proqramını yükləyin. Növbəti addımlar üçün vebsaytdakı təlimatlara əməl edin.