Printeri ýeke özüňiz gozgamaň.
Printeri açyk howada, gaty hapa ýa-da tozanly ýerlerde, suw we ýylylyk çeşmeleriniň ýanynda, urgy, titreme, ýokary temperatura ýa-da çyglylyk bolýan ýerlerde goýmaň ýa-da saklamaň.
Printeri ähli tarapy enjamyň binýadyndan has giň bolan tekiz, durnukly ýerde goýuň. Eger printer biraz gyşyk dursa-da dogry işlemez.
Printeri temperaturanyň we çyglylygyň çalt üýtgeýän ýerlerine gurnamaň. Printeri gün şöhlesiniň göni düşmeginden, ýiti ýagtylykdan we ýylylyk çeşmelerinden uzakda saklaň.
Printeriň korpusyndaky deşikleri beklemäň ýa-da ýapmaň.
Printeriň ýokarsynda awto-äberijini (Awtomatik resminama äberiji desgasy) doly açyp biler ýaly ýer goýuň.
Printeriň öňünde, çepinde we sagynda çap etmek we tehniki hyzmat etmek üçin ýeterlik boş ýer goýuň.
Üýtgeýän ululykly tok şnurunyň degişli ýerli howpsuzlyk standartlaryna laýyk gelýändigini anyklaň. Diňe şu önümiň ýany bilen gelýän tok şnuryny ulanyň. Başga şnur ulanmak ýangyna ýa-da tok urmagyna eltip biler. Önümiň tok şnury diňe şu önüm bilen ulanylmaga niýetlenilýär. Başga enjam bilen ulanmak ýangyna ýa-da tok urmagyna eltip biler.
Diňe printeriň etiketkasynda görkezilen energiýa çeşmesini ulanyň.
Printeri tok şnuruny aňsat birikdirmek üçin elektrik rozetkasynyň golaýynda ýerleşdiriň.
Printeri regulýar açylýan we ýapylýan fotonusga apparatlaryna ýa-da kondisionirleýiş ulgamyna tok üpjün edýän rozetkalara birikdirmäň.
Printeri diwara oturdylýan öçürgiçler ýa-da awtomatik taýmerler arkaly dolandyrylýan rozetkalara birikdirmäň.
Tutuş kompýuter ulgamyny gatygürleýji ýa-da simsiz telefonlaryň baza modullary ýaly potensial päsgelçilik çeşmelerinden daşda gurnaň.
Tok şnurlaryny olar sürtülmez, kesilmez, dargamaz, towlanmaz we bükülmez ýaly ýerlerden geçirmeli. Tok şnurunyň üstünde zat goýmaň we tok şnurunyň üstünden basylmagyna we geçilmegine ýol bermäň. Ähli tok şnurlaryny, ylaýta-da, uçlarda göni saklamaga üns beriň.
Eger siz printere uzaldyjy arkaly birigýän bolsaňyz, şol uzaldyja birikdirilen ähli gurluşlaryň jemi ýüküniň maksimum rugsat berilýän ýükden köp bolmazlygyny üpjün ediň. Şeýle hem, elektrik rozetkasyna birikdirilen ähli gurluşlaryň jemi ýüküniň maksimum rugsat berilýän ýükden köp bolmazlygyny üpjün ediň.
Eger siz printeri Germaniýada ulanmakçy bolsaňyz, gysga utgaşmadan ýa-da artykmaç tokdan goramak üçin, ony 10-luk ýa-da 16-lyk awtomatik öçürgijiň üsti bilen birikdiriň.