Принтерді өзіңіз жылжытпаңыз.
Принтерді сыртқа, қатты кір немесе шаң жерге, судың, ыстық көздер бар жерге немесе соққы, діріл, жоғары температура немесе ылғал жерлерге орналастырмаңыз.
Принтерді барлық бағытта оның негізінен асатын тегіс, тұрақты бетке орналастырыңыз. Принтер қисайып тұрса, дұрыс жұмыс істемейді.
Температурасы немесе ылғалдылығы жылдам ауысатын жерлерге орналастырмаңыз. Оған қоса, принтерді тікелей күн сәулесі, қатты жарық көздері немесе жылу көздерінен сақтаңыз.
Принтердегі желдеткіш тесіктерді және саңылауларды бітемеңіз немесе жаппаңыз.
АҚБ құралын (Автоматты құжат беру құралы) толығымен көтере алу үшін принтердің жоғарғы жағында бос орын қалдырыңыз.
Басып шығару және техникалық қызмет көрсету жұмыстарын орындау үшін принтердің алдыңғы жағында, сол және оң жағында жеткілікті бос орын қалдырыңыз.
Айнымалы ток адаптерінің қуат сымы қатысты қауіпсіздік стандарттарына сәйкес келетініне көз жеткізіңіз. Осы өніммен бірге келетін қуат сымын ғана пайдаланыңыз. Басқа сымды пайдалану өртке немесе ток соғуға әкелуі мүмкін. Осы өнімнің қуат сымы осы тек өніммен пайдалануға арналған. Басқа жабдықпен пайдалану өртке немесе ток соғуға әкелуі мүмкін.
Егер сіздің принтеріңіздің қуат сымында жерге тұйықталу болса, принтерді жерге тұйықталған розеткаға қосыңыз. Осы нұсқаулықты орындамау өртке немесе электр тогының соғуына әкелуі мүмкін.
Принтердің белгісінде көрсетілген қуат көзін ғана пайдаланыңыз.
Принтерді ашасы оңай қосылатын электр розеткасының жанына орналастырыңыз.
Фото көшіру құрылғылары немесе ауа ағынын басқаратын жүйелер үнемі қосылып не өшіп тұратындықтан, розеткаларды бір тізбекте пайдаланбаңыз.
Қабырға ток аударғыштар немесе автоматты таймерлер арқылы басқарылатын электр розеткаларын пайдаланбаңыз.
Бүкіл компьютер жүйесін дауыс зорайтқыштар немесе сымсыз телефондардың негізгі блогы сияқты электромагниттік кедергілердің ықтимал көздерінен қашық сақтаңыз.
Қуат сымын үйкелмейтін, кесілмейтін, тозбайтын, майыспайтын және ширатылмайтын жерге орналастырыңыз. Қуат сымының үстіне заттар қоймаңыз және қуат сымының басылуына немесе езілуіне жол бермеңіз. Барлық қуат жеткізу сымдарының шеттері тура орналасуына аса назар аударыңыз.
Егер принтермен ұзартқыш сым пайдалансаңыз, ұзартқыш сымға қосылған құрылғылардың жалпы номиналды тогы сымның номиналды тогынан аспайтынына көз жеткізіңіз. Оған қоса, қабырғалық розеткаға қосылған барлық құрылғылардың жалпы номиналды тогы қабырғалық розетканың номиналды тогынан аспайтынына көз жеткізіңіз.
Егер принтерді Германияда пайдалануды жоспарласаңыз, ғимаратта принтерді қысқа тұйықталудан және токтың шамадан тыс жүктелуінен қорғайтын 10 немесе 16 амперлік ажыратқыш болуы тиіс.