Скенирање со Epson Scan 2

1. Ставете го оригиналот.

2. Стартувајте ја Epson Scan 2.

   • Windows 10/Windows Server 2016
     Кликнете го копчето Старт, а потоа изберете EPSON > Epson Scan 2.
   • Windows 8.1/Windows 8/Windows Server 2012 R2/Windows Server 2012
     Внесете го името на апликацијата во полето за пребарување, а потоа изберете ја прикажаната икона.
   • Windows 7/Windows Vista/Windows XP/Windows Server 2008 R2/Windows Server 2008/Windows Server 2003 R2/Windows Server 2003
     Кликнете го копчето Старт, а потоа изберете Сите програми или Програми > EPSON > Epson Scan 2 > Epson Scan 2.
   • Mac OS
     Изберете Оди > Апликации > Epson Software > Epson Scan 2.

3. Одредете ги следниве поставки во картичката Главни поставки.

   
   • Страна за скенирање: изберете ја страната на оригиналот што сакате да ја скенирате. Изберете Двострано за да ги скенирате двете страни на оригиналите.
   • Големина на документ: изберете ја големината на ставениот оригинал.
   • / Копчиња за првична ориентација: изберете ја поставената ориентација на ставениот оригинал. Во зависност од големината на оригиналот, оваа ставка може да биде поставена автоматски и не може да се менува.
   • Тип слика: изберете ја бојата за зачувување на скенираната слика.
   • Резолуција: изберете ја резолуцијата.
   Белешка:

   • АФД е автоматски поставено како Извор на документ.

   • Во картичката Главни поставки може да ги одредите и следниве поставки.

     • Спои слики: изберете за да ги споите сликите од предната и задната страна кога ги скенирате двете страни од оригиналот.

     • Ротирај: изберете за да го ротирате оригиналот надесно и да го скенирате.

     • Корекц. на искривеност на докум.: изберете за да ја коригирате искривеноста на оригиналот.

     • Додај или уреди стр. по скен: изберете за да додадете различни оригинали или да ги уредувате (ротирање, движење и бришење) скенираните страници по скенирањето.

     • Прескокни празни страници: изберете за да се прескокнуваат празни страници ако ги има во оригиналите.

     • Откриј двојно полнење: изберете за да се прикаже предупредување кога ќе се стават повеќе оригинали истовремено.

4. Ако е потребно, одредете и други поставки за скенирањето.

   • Може да ја прегледате скенираната слика од првата страна на првата страница на оригиналите. Ставете ја само првата страница од оригиналите во влезната фиока и кликнете на копчето Преглед. Се отвора прозорецот за преглед, се прикажува сликата за прегледување, а страницата се исфрла од скенерот.
     Заменете ја исфрлената страница заедно со останатите оригинали.
   • Во картичката Напредни поставки, може да вршите приспособувања на сликата користејќи детални поставки коишто се погодни за текстуални документи, како што се следниве.
     • Отстрани позадина: изберете за да ја отстраните заднината од оригиналите.
     • Подобрување текст: изберете за да ги разјасните и изострите матните букви во оригиналот.
     • Автом. сегментација на област: изберете за да ги разјасните буквите и да ги измазните сликите при скенирање во црно-бело за документ што содржи слики.
     • Отстранување: изберете за да ја отстраните назначената боја од скенираната слика и да ја зачувате сликата во сива скала или во црно-бело. На пример, може да ги избришете ознаките или белешките коишто сте ги запишале во маргините со пенкало во боја при скенирање.
     • Подобрување боја: изберете за да ја подобрите назначената боја за скенираната слика и да ја зачувате во сива скала или во црно-бело. На пример, може да ги подобрите буквите или линиите што се во светли бои.
   Белешка:

   Некои ставки може да не бидат достапни во зависност од другите поставки што сте ги одредиле.

5. Одредете ги поставките за зачувување датотеки.

   
   • Формат на слика: изберете го форматот за зачувување од списокот.
     Може да одредувате детални поставки за секој формат за зачувување освен BITMAP и PNG. Откако ќе го изберете форматот за зачувување, изберете Опции од списокот.
   • Име на датотека: проверете го прикажаното име на датотеката за зачувување.
     Може да ги менувате поставките за името на датотеката ако изберете Поставки од списокот.
   • Папка: изберете ја папката за зачувување за скенираната слика од списокот.
     Може да изберете друга папка или да создадете нова користејќи Избери од списокот.

6. Кликнете Скенирај.

   Белешка:

   • Може да започнете да скенирате и со притискање на копчето на контролната табла на скенерот.

   • За да скенирате оригинали за кои постои веројатност дека ќе се заглават, на пример тенка хартија, овозможете Бавно на контролната табла за да ја намалите брзината на скенирање.

   Скенираната слика се зачувува во назначената папка.