Ставките може да не бидат достапни во зависност од другите поставки што сте ги одредиле.
Изберете ја бојата на излезната слика.
Кога ќе го изберете следново, скенерот автоматски ја открива бојата на оригиналите и ги зачувува сликите користејќи ги откриените бои.
Во боја/сива скала/црно-бело
Ја конвертира скенираната слика во 24-битна боја, 8-битна сива или монохроматска боја (црно-бела, бинарна). Кога ова е избрано, поставете ја чувствителноста за утврдување дали оригиналот е во сива скала или монохроматски кога се скенира оригинал што не е во боја.
Боја/Црна и бела:
Ја конвертира скенираната слика во 24-битна боја или монохроматска боја (црно-бела, бинарна).
Боја/Сива палета:
Ја конвертира скенираната слика во 24-битна боја или 8-битна сива.
Достапните типови слики може да се разликуваат зависно од избраниот Формат на дат.. За повеќе информации, погледнете го следново.
Изберете го форматот во којшто сакате да ја зачувате скенираната слика.
Кога сакате да се зачува како PDF, PDF/A или TIFF, изберете дали сите оригинали да се зачуваат како една датотека (со повеќе страници) или секој оригинал да се зачува одделно (една страница).
Коеф. на компресија:
Изберете колку да се компримира скенираната слика.
PDF Поставки:
Кога ќе изберете PDF како поставка за форматот за зачувување, користете ги овие поставки за да ги заштитите PDF-датотеките.
За да создадете PDF-датотека за којашто е потребна лозинка при отворање, поставете Лозинка за отвора. документ. За да создадете PDF-датотека за којашто е потребна лозинка при печатење или изменување, поставете Лозинка за дозволи.
Изберете резолуција за скенирање.
Погледнете ги следниве информации за резолуциите на датотеки што може да ги изберете.
Изберете ја страната на оригиналот што сакате да ја скенирате.
Сврз.(Оригин.):
Изберете ја насоката за подврзување на оригиналот.
Изберете ја големината на ставениот оригинал.
Ис. мар. за гол. „Авто.“:
Приспособете ја областа за отсекување кога ќе изберете Автоматска детекција.
Скенирај ја ламин. картичка:
Кај пластифицираните оригинали се скенираат и проѕирните делови околу рабовите.
Соодветните ефекти може да не се постигнат во зависност од оригиналот.
Може да ги разјасните и изострите заматените букви во оригиналот. Може и да го намалите офсетот или нерамнината на заднината.
Нагласи ги светлите букви/Отстрани ја позадината:
Може да го поставите нивото на корекција меѓу текстот и заднината. Кога ќе го преместите лизгачот поблиску до Нагласи ги светлите букви, се нагласуваат светлите букви во скенираната слика. Кога ќе го преместите лизгачот поблиску до Отстрани ја позадината, се отстрануваат заднинската боја, шемата, наборите или офсетот од скенираната слика.
Отстрани го шумот:
Може да ги отстраните црните точки во заднината на оригиналот што не може да се отстранат со осветлување на заднината. Може да го приспособувате нивото на ефектот.
Кога ќе ја изберете оваа функција, таа може да отстрани и мали точки, како и црни точки во заднината.
Ротирајте ја скенираната слика во насока на стрелките на часовникот. Изберете го аголот на ротација во зависност од оригиналот што сакате да го скенирате.
Отстранете ја бојата на заднината на оригиналите од скенираната слика.
За да ја користите оваа функција, бојата на заднината на оригиналите треба да биде најсветлата боја кај оригиналите и треба да биде хомогена. Оваа функција не се извршува правилно ако има шаблони во заднината или ако има текст или илустрации што се со посветла боја од бојата на заднината.
Отстранете ги сенките на оригиналот што се појавуваат во скенираната слика.
Рамка:
Отстранете ги сенките на рабовите на оригиналот.
Коригирање на накривувањето во скенираната слика.
Оваа функција можеби нема да може да ги коригира документите што се премногу накривени.
Се прескокнуваат празни страници при скенирањето ако ги има во оригиналите.
Ако не го добивате очекуваниот резултат, приспособете го нивото на откривање.
Некои страници може да бидат погрешно прескокнати како празни страници.
Оваа функција не е достапна кога се скенираат двострани оригинали што се споени.
Поставете Реж. за авт. внесување. Оваа функција ви овозможува да продолжите со скенирање автоматски откако ќе се скенираат оригиналите. Оваа функција е корисна кога скенирате различни големини или типови оригинали, еден по еден.
Приспособувајте ги граничниците на скенерот пред ставањето на секој оригинал.
Вклучено (целосно авто.):
Започнува со скенирање кога ќе се стави оригинал додека се прикажува пораката за потврда на продолжувањето.
Вклучено (полуавто.):
Започнување со скенирање кога ќе се притисне копчето Започнете со скенирање додека се прикажува пораката за потврда на продолжувањето.
Прикажува предупредување кога ќе се внесат повеќе оригинали истовремено.
Должина:
Открива двојно внесување според должината. Кога должината на вториот скениран оригинал се разликува од должината на првиот, тоа се идентификува како двојно внесување. Може да го одредите опсегот за откривање на разликата во должина.