Хартијата е замачкана или изгребана

Кога се појавуваат хоризонтални пруги (под прав агол со насоката на печатење) или кога горниот или долниот дел на хартијата е замачкан, ставете хартија во правилната насока и повлечете ги граничниците до рабовите на хартијата.

Кога се појавуваат вертикални пруги (хоризонтално од насоката на печатење) или кога хартијата е замачкана, исчистете ја патеката за хартијата.

Поставете ја хартијата на рамна површина за да проверите дали е извиткана. Ако е, израмнете ја.

Кога печатите на дебела хартија, главата за печатење е во близина на површината за печатење и хартијата може да се изгребе. Во овој случај, овозможете ја поставката за намалување на гребењето. Ако ја овозможите оваа поставка, квалитетот или брзината на печатењето може да се намалат.

• Контролна табла

  Изберете Поставки > Општи поставки > Поставки за печатач, а потоа овозможете Дебела хартија.

• Windows

  Кликнете Проширени поставки на картичката Одржување од двигателот за печатачот, а потоа изберете Дебела хартија и пликови.

  Ако хартијата и понатаму се гребе откако ќе ја изберете поставката Дебела хартија и пликови, изберете Хартија со ниска гранулација во прозорецот Проширени поставки на двигателот за печатачот.

• Mac OS

  Изберете Системски претпочитани вредности од менито Apple > Печатачи и скенери (или Печати и скенирај, Печати и испрати факс), а потоа изберете го печатачот. Кликнете Опции и производи > Опции (или Двигател). Изберете On како поставка за Thick paper and envelopes.

Кога рачно печатите двострано, внимавајте мастилото да е сосема суво пред повторно да ја ставите хартијата.

Кога ја користите функцијата за автоматско двострано печатење и печатите податоци со висока густина како што се слики и графикони, поставете ја густината на печатење на пониско, а времето на сушење на подолго.