Mürəkkəb kartricinin dəyişdirilməsi

1. CD/DVD altlığı yerləşdirilibsə, altlığı çıxarın.

2. Aşağıdakılardan birini edin.

   • Tələb edildikdə, mürəkkəb kartriclərini dəyişin:
     Hansı mürəkkəb kartricinin dəyişilməli olduğunu yoxlayın, Next toxunun və ardından Yes, replace now seçimini edin.
   • Bitmədən mürəkkəb kartriclərini dəyişən zaman:
     Əsas ekrandan Maintenance > Ink Cartridge Replacement seçin.

3. Yeni mürəkkəb kartricini qablaşdırmasından çıxarın və ardından Next toxunun.

   

4. Qapağın üzü yuxarı olduğundan əmin olun və sonra onu çıxarın.

   
   Vacibdir:

   Şəkildə göstərilən hissələrə toxunmayın. Yoxsa, normal işləmə və çap mümkün olmaya bilər.

   

5. Sənəd qapağı bağlı halda skaner qurğusunu açın.

   Diqqət:

   Skaner qurğusunu açıb-bağlayarkən əl, yaxud barmaqlarınızı arasında qoymamağa diqqət yetirin. Yoxsa, zədələnə bilərsiniz.

   

6. Mesajı təsdiq edin və sonra Start toxunun.

   Mürəkkəb kartrici tutacağı dəyişmə mövqeyinə keçir. Lakin mürəkkəb kartrici tutacağı bir neçə dəqiqə sonra qayıda bilər. Bu halda, 2 – 6 mərhələlərini təkrarlayın.

   Vacibdir:

   Mürəkkəb kartriclərini dəyişən zaman onları düzgün dəyişmə mövqeyində dəyişdirin. Əgər bunları səhv mövqedə dəyişsəniz, tanınma ilə bağlı xəta baş verir. Əgər xəta baş verərsə, bunları düzgün dəyişmə mövqeyinə yenidən daxil edin.

   

7. Mürəkkəb kartrici tutacağını açmaq üçün düyməni basın və ardından kartrici çarpaz şəkildə çıxarın.

   Vacibdir:

   Mürəkkəb katricləri mümkün qədər tez bir-birinin ardınca dəyişdirin. Bir dəfəyə iki və ya daha çox mürəkkəb kartrici dəyişdirirsinizsə və ya dəyişmə vaxt aparırsa, printerin işini təmin etmək üçün müəyyən qədər mürəkkəb tükədilə bilər.

   

8. Mürəkkəb kartricini kartric saxlayıcısına çarpaz şəkildə daxil edin və onu yerinə oturana qədər yavaşca aşağı basın.

   

9. Skaner bölməsini bağlayın və ardından Completed klikləyin.

10. Ekrandakı təlimatları izləyin.

    Vacibdir:

    • Kartrici sonra istifadə etmək və ya atmaq üçün printerdən çıxarsanız, mürəkkəbin qurumaması və ətrafa bulaşmaması üçün qapağı kartricin mürəkkəb çıxışı sahəsinə qoyun. Yerində tıqqıldamayana kimi qapağı ehtiyatla yerləşdirin.

      

    • Kartricləri quraşdırdıqdan sonra printerə mürəkkəb doldurulan müddətdə enerji işığı sayrışmağa davam edir. Mürəkkəb dolarkən printeri söndürməyin. Mürəkkəb doldurulması başa çatmadan çap edə bilməyə bilərsiniz.

    • Mürəkkəbin doldurulması başa çatmadan CD/DVD altlığını daxil etməyin.