/ Қосымша / Принтерді тасымалдау

Принтерді тасымалдау

Принтерді жылжыту немесе жөндеу үшін тасымалдағанда принтерді орау үшін төмендегі қадамдарды орындаңыз.

Абайлаңыз:

Сканер бөлігін ашу немесе жабу кезінде қолыңыздың не саусақтарыңыздың қыстырылып қалмауына мұқият болыңыз. Кері жағдайда, жарақат алуыңыз мүмкін.

Маңызды:

  • Принтерді сақтағанда немесе тасымалдағанда, оны еңкейтпеңіз, тігінен қоймаңыз немесе төңкермеңіз; әйтпесе, сия ағуы мүмкін.

  • Сия картридждерін орнатулы қалдырыңыз. Картридждерді алу басып шығару механизмінің кебуіне себеп болады және принтердің басып шығаруын болдырмайды.

  1. түймесін басып, принтерді өшіріңіз.

  2. Қуат шамының өшірілгенін тексеріңіз, қуат сымын ажыратыңыз.

    Маңызды:

    Қуат шамы өшірілген кезде қуат сымын ажыратыңыз. Олай болмаса, басып шығару механизмі бастапқы орнына оралмай, сияның құрғап қалуын тудырады және басып шығару мүмкін болмайды.

  3. Қуат сымы және USB кабелі сияқты барлық кабельдерді ажыратыңыз.

  4. Қағаздың барлығын принтерден алып тастаңыз.

  5. Принтердің ішінде түпнұсқалардың жоқтығын тексеріңіз.

  6. Құжат қақпағы жабық күйде сканер бөлігін ашыңыз. Сия картриджінің ұстағышын корпусқа лентамен бекітіңіз.

  7. Сканер бөлігін жабыңыз.

  8. Принтерді төменде көрсетілгендей орауға дайындаңыз.

  9. Қорғағыш материалдарды пайдаланып, принтерді өз қорабына қаптаңыз.

Принтерді қайтадан пайдаланғанда сия картриджін ұстағышты бекітетін лентаны алыңыз. Егер басып шығару сапасы келесі рет басып шығару кезінде төмендесе, басып шығару механизмін тазалап, туралаңыз.

Қатысты ақпарат