/ Printerga texnik xizmat ko'rsatish / Yarim shaffof plyonkani tozalash

Yarim shaffof plyonkani tozalash

Chop etish kallagi tekislash yoki qog‘oz uzatish yo‘lini tozalashdan so‘ng ham chop qilish yaxshilanmasa, printer ichidagi yarim shaffof plyonka chaplanib ketgan bo‘lishi mumkin.

Zarur bo‘ladigan narsalar:

  • Paxta lo‘pchik (bir nechta)

  • Bir necha tomchi tozalash vositasi tomdirilgan suv (2 yoki 3 tomchi tozalash vositasi tomdirilgan 1/4 stakan vodoprovod suvi)

  • Chaplanib ketgan-ketmaganini tekshirish uchun fonar

Muhim:

Bir necha tomchi tozalash vositasi tomdirilgan suvdan boshqa tozalash suyuqligidan foydalanmang.

  1. tugmasini bosish orqali printerni o‘chiring.

  2. Skaner qurilmasini oching.

  3. Yarim shaffof plyonka chaplanib ketgan-ketmaganini tekshiring. Agar fonardan foydalansangiz, chaplanib ketgan-ketmaganini ko‘rish oson kechadi.

    Yarim shaffof plyonkada (A) chaplanib ketish belgilari (barmoq izlari yoki yog‘) bo‘lsa, keyingi bosqichga o‘ting.

    A: Yarim shaffof plyonka

    B: Yo‘naltiruvchi qurilma

    Muhim:

    Yo‘naltiruvchi qurilmaga (B) tegib ketishdan ehtiyot bo‘ling. Aks holda, siz chop qila olmasligingiz mumkin. Yo‘naltiruvchi qurilma ustidagi yog‘ni artmang, chunki u printerning soz ishlashi uchun zarur.

  4. Bir necha tomchi tozalash vositasi tomdirilgan suvda namlangan paxta lo‘pchikni suv tommaydigan qilib namlang va chaplangan qismni arting.

    Muhim:

    Chaplangan joyni ehtiyotkorlik bilan arting. Agar siz paxta lo‘pchikni plyonkaga qattiq bossangiz, plyonkadagi prujinalar chiqib ketishi va printer buzilishi mumkin.

  5. Plyonkani tozalash uchun boshqa quruq paxta lo‘pchikdan foydalaning.

    Muhim:

    Plyonka ustida biror paxta tolasi qolmasin.

    Eslatma:

    Chaplanish tarqalib ketmasligi uchun paxta lo‘pchikni tez-tez yangilab turing.

  6. 4 va 5-bosqichlarni plyonka toza bo‘lguncha takrorlang.

  7. Plyonka chaplanib ketmaganini ko‘zdan kechiring.