/ Вырашэнне праблем / Немагчыма друкаваць з камп'ютара / Праверка падключэння (сеткавага)

Праверка падключэння (сеткавага)

Калі вы змянілі бесправадны маршрутызатар або правайдэра, паспрабуйце выканаць наладку сеткавых параметраў прынтара зноў. Падключыце камп'ютар або смарт-прыладу да таго ж SSID, што і прынтар.
Выключыце прылады, якія неабходна падключыць да сеткі. Пачакайце каля 10 секунд, а затым уключыце прылады ў наступным парадку: бесправадны маршрутызатар, камп'ютар або смарт-прылада, а затым прынтар. Перамясціце прынтар і камп'ютар або смарт-прыладу бліжэй да бесправаднога маршрутызатара, каб пасадзейнічаць сувязі па радыё, а затым паспрабуйце задаць налады сеткі зноў.
Надрукуйце справаздачу аб злучэнні з сеткай. Для атрымання больш падрабязных звестак скарыстайцеся спасылкай на звязаную інфармацыю. Калі справаздача паказвае, што сеткавае злучэнне не створана, выканайце прыведзеныя ў гэтай справаздачы інструкцыі па вырашэнні праблемы.
Калі IP-адрас, прызначаны прынтару, — 169.254.XXX.XXX, а маска падсеткі — 255.255.0.0, IP-адрас можа быць прызначаны няправільна. Перазапусціце бесправадны маршрутызатар ці скіньце сеткавыя налады прынтара. Калі гэта не дапаможа вырашыць праблему, азнаёмцеся з дакументацыяй для бесправаднога маршрутызатара.
Паспрабуйце атрымаць доступ з вашага камп'ютара да якога-небудзь вэб-сайта, каб пераканацца, што сеткавыя налады вашага камп'ютара зададзены правільна. Калі вы не можаце атрымаць доступ да сайта, праблема звязана з камп'ютарам. Праверце сеткавае злучэнне камп'ютара.