/ Мрежни поставки / Поврзување на паметен уред / Поврзување со iPhone, iPad или iPod touch со помош на Wi-Fi Direct

Поврзување со iPhone, iPad или iPod touch со помош на Wi-Fi Direct

Овој метод ви овозможува да го поврзете печатачот директно со iPhone, iPad или iPod touch без безжичен рутер. За да се поврзете користејќи го овој метод, потребно е да бидат исполнети следниве услови. Ако вашата околина не се совпаѓа со овие услови, може да се поврзете со избирање Други OS уреди. Видете „Поврзани информации“ подолу за детали околу поврзувањето.

  • iOS 11 или понова верзија

  • За скенирање на QR-кодот се користи стандардната апликација за камера

  • Epson iPrint верзија 7.0 или понова

Epson iPrint се користи за печатење од паметен уред. Инсталирајте ја Epson iPrint на паметниот уред однапред.

Белешка:

Потребно е само еднаш да ги одредите овие поставки за печатачот и за паметниот уред што сакате да го поврзете. Нема да треба повторно да ги одредувате овие поставки, освен ако оневозможите Wi-Fi Direct или ако ги вратите мрежните поставки на стандардните.

  1. Изберете Поврзув. на Паметен телефон на почетниот екран.

    За да изберете ставка, користете ги копчињата , а потоа притиснете го копчето OK.

  2. Изберете Започни со поставување.

  3. Изберете iOS.

    QR-кодот се прикажува на контролната табла на печатачот.

  4. Вклучете ја стандардната апликација камера на iPhone, iPad или iPod touch, а потоа скенирајте го QR-кодот прикажан на контролната табла на печатачот во режим ФОТО.

    Користете ја апликацијата камера за iOS 11 или понова верзија. Не може да се поврзете со печатачот користејќи ја апликацијата камера за iOS 10 или постара верзија. Исто така, не може да се поврзете користејќи апликација за скенирање QR-кодови. Ако не можете да се поврзете, изберете Други методи на контролната табла на печатачот. Видете „Поврзани информации“ подолу за детали околу поврзувањето.

  5. Допрете го известувањето прикажано на екранот на iPhone, iPad или iPod touch.

  6. Допрете Придружи се.

  7. На контролната табла на печатачот, изберете Сл..

  8. На iPhone, iPad или iPod touch, вклучете ја апликацијата за печатење Epson.

    Примери за апликации за печатење Epson

  9. Во екранот на апликацијата за печатење Epson, допрете Printer is not selected.

  10. Изберете го печатачот со којшто сакате да се поврзете.

    За да го изберете печатачот, погледнете ги информациите прикажани на контролната табла на печатачот.

  11. На контролната табла на печатачот, изберете Свршено.

За паметни уреди што биле претходно поврзани со печатачот, изберете го името на мрежата (SSID) на Wi-Fi екранот на паметниот уред за да ги поврзете повторно.

Поврзани информации