/ Skanirlemek / Kompýuterden skanlamak / Epson Scan 2 arkaly skanlamak / Fotosuratlary ýa-da suratlary skanlamak (Fotosurat Tertibi)

Fotosuratlary ýa-da suratlary skanlamak (Fotosurat Tertibi)

Epson Scan 2-de Fotosurat Tertibi ulanyp, fotosuratlar ýa-da suratlar üçin oňaýly, dürli surat sazlaýyş funksiýalary bilen originallary skanlap bilersiňiz.

  1. Originallary ýerleşdiriň.

    Skaner aýnasyna birnäçe originaly ýerleşdirip, olaryň ählisini birlikde skanlap bilersiňiz.Originallaryň arasynda iň az 20 mm boşluk bolmalydyr.

  2. Epson Scan 2 başladyň.

  3. Fotosurat Tertibi saýlaň (Režim sanawyndan).

  4. Esasy Sazlamalar tabynda şu aşakdaky sazlamalary belläň.

    • Şekiliň Görnüşi:Skanlanan suraty ýazdyrar ýaly reňk saýlaň.
    • Şekiliň Durulygy:Çözgüdi saýlaň.
    Bellik:

    Dokument Çeşmesi sazlamasy Skaner aýnasy edip, Dokument Görnüşi sazlamasy Reflektiw edip bellenilýär.(Reflektiw diýmek, aňyrsy görünmeýän originallar, ýagny adaty kagyz, fotosurat we ş.m. diýmekligi aňladýar).Bu sazlamalary üýtgedip bolmaýar.

  5. Deslapky Synlama basyň.

    Synlaw penjiresi açylyp, synlanylýan suratlar suratjyk görnüşinde görkezilýär.

    Bellik:

    Tutuş skanlanan zolagy synlamak üçin, synlaw penjiresiniň ýokarsyndaky sanawdan Eskiz gutujygyny öçüriň.

  6. Synlawy tassyklaň we gerek bolsa, Kämilleşen Sazlamalar tabynda surat sazlamalaryny belläň.

    Fotosuratlar ýa-da suratlar üçin oňaýly, şu aşakdakylar ýaly jikme-jik sazlamalary ulanyp, skanlanan suraty sazlap bilersiňiz.

    • Ýagtylyk:Skanlanan surat üçin ýagtylygy sazlap bilersiňiz.
    • Kontrast:Skanlanan surat üçin kontrasty sazlap bilersiňiz.
    • Reňk Doýgunlygy:Skanlanan surat üçin doýgunlygy (reňk janlylygy) sazlap bilersiňiz.
    • Mask. Ýitieltmegin:Skanlanan suratyň ülňülerini güýçlendirip we ýiteldip bilersiňiz.
    • Şekiliň Reňkini Dikeltme:Solan suratlary düzedip, asyl reňklerine dolap bilersiňiz.
    • Yzky Ýagtylygy Düzelt:Arkadaky yşyk sebäpli garaňky görünýän skanlanan suratlary ýagtyldyp bilersiňiz.
    • Muary Aýyr:Žurnal ýaly çap edilen kagyzlary skanlan wagtyňyz peýda bolýan muary (kerebe meňzeş kölegeler) aýryp bilersiňiz.
    • Tozany Aýyrmak:Skanlanan suratdaky tozany aýryp bilersiňiz.
    Bellik:

    • Bellän başga sazlamalaryňyza baglylykda, käbir zatlar elýeterli bolman biler.

    • Originala baglylykda, skanlanan suratyň dogry sazlanylmazlygy mümkin.

    • Birnäçe suratjyk döredilende, her suratjyk üçin suratyň hilini sazlap bilersiňiz.Sazlama elementlerine baglylykda, birnäçe suratjygy saýlap, skanlanan suratlaryň hilini birlikde sazlap bilersiňiz.

  7. Faýl ýazdyryş sazlamalaryny belläň.

    • Şekiliň Formaty:Sanawdan ýazdyryş formatyny saýlaň.
      BITMAP bilen PNG-den başga her bir ýazdyryş formaty üçin jikme-jik sazlamalary belläp bilersiňiz.Ýazdyryş formaty saýlanansoň, sanawdan Opsiýalar saýlaň.
    • Faýlyň Ady:Görkezilýän faýl ýazdyryş adyny tassyklaň.
      Sanawdan Sazlamalar.. saýlap, faýl ady üçin sazlamalary üýtgedip bilersiňiz.
    • Bukja:Sanawdan skanlanan surat üçin ýazdyryş bukjasyny saýlaň.
      Sanawdan Saýla saýlap, başga bukja saýlap ýa-da täze bukja döredip bilersiňiz.

  8. Skanirlemek basyň.

Degişli maglumatlar