/ Решавање проблеми / Проблеми при испраќање и примање факсови / Не можат да се праќаат или примаат факсови

Не можат да се праќаат или примаат факсови

  • Употребете ја Провери факс врска на контролната табла за да извршите автоматска проверка на поврзувањето за факс. Обидете се со решенијата отпечатени во извештајот.

  • Проверете ја поставката за Тип линија. Поставувањето на PBX можеби ќе го реши проблемот. Ако телефонскиот систем бара код за надворешен пристап за да добиете надворешна линија, регистрирајте го кодот за пристап во печатачот и внесете # (тараба) на почетокот од бројот на факс кога испраќате.

  • Ако се појави комуникациска грешка, променете ја поставката за Брзина на факс на Бавно (9,600bps) преку контролната табла.

  • Проверете дали работи ѕидниот телефонски приклучок со тоа што ќе го поврзете телефонот и ќе го тестирате. Ако не можете да остварувате или да примате повици, контактирајте со телекомуникациската компанија.

  • За да се поврзете на DSL-телефонска линија, треба да користите DSL-модем со вграден DSL-филтер или да инсталирате одделен DSL-филтер на линијата. Контактирајте со давателот на DSL-услугите.

  • Ако се поврзувате на DSL-телефонска линија, поврзете го печатачот директно на ѕиден телефонски приклучок за да проверите дали печатачот може да испрати факс. Ако функционира, проблемот може да е предизвикан од DSL-филтерот. Контактирајте со давателот на DSL-услугите.

  • Вклучете ја поставката ECM на контролната табла. Факсовите во боја не може да се испраќаат или да се примаат кога е исклучено ECM.

  • За да испраќате или примате факсови преку компјутерот, уверете се дека печатачот е поврзан преку USB-кабел или мрежа и дека двигателот PC-FAX е инсталиран на компјутерот. Двигателот PC-FAX се инсталира заедно со FAX Utility.

  • Во Windows, уверете се дека печатачот (факсот) се прикажува во Уреди и печатачи, Печатач или Печатачи и друг хардвер. Печатачот (факсот) е прикажан како „EPSON XXXXX (FAX)“. Ако печатачот (факсот) не е прикажан, деинсталирајте ja и повторно инсталирајте ja FAX Utility. Погледнете го следново за да пристапите до Уреди и печатачи, Печатач или Печатачи и друг хардвер.

    • Windows 10/Windows Server 2016

      Кликнете на копчето за стартување, а потоа изберете Систем на Windows > Контролна табла > Преглед на уреди и печатачи во Хардвер и звук.

    • Windows 8.1/Windows 8

      Изберете Работна површина > Поставувања > Контролна табла > Види уреди и печатачи во Хардвер и звук или Хардвер.

    • Windows 7

      Кликнете на копчето за стартување и изберете Контролна табла > Преглед на уреди и печатачи во Хардвер и звук или Хардвер.

    • Windows Vista

      Кликнете на копчето за стартување и изберете Контролна табла > Печатачи во Хардвер и звук.

    • Windows XP

      Кликнете на копчето за стартување и изберете Поставки > Контролна табла > Печатачи и друг хардвер > Печатачи и факсови.

  • Во Mac OS, проверете го следново.

    • Изберете Системски претпочитани вредности од менито > Печатачи и скенери (или Печати и скенирај, Печати и испрати факс) и погрижете се дека е прикажан печатачот (факсот). Печатачот (факсот) е прикажан како „FAX XXXX (USB)“ или „FAX XXXX (IP)“. Ако печатачот (факсот) не е прикажан, кликнете [+] и регистрирајте го печатачот (факсот).

    • Изберете Системски претпочитани вредности од менито > Печатачи и скенери (или Печати и скенирај, Печати и испрати факс) и двапати кликнете на печатачот (факсот). Ако печатачот е паузиран, кликнете Продолжи (или Продолжи со печатење).

Поврзани информации