/ Важни упатства / Совети и предупредувања за печатачот / Совети и предупредувања за поставување на печатачот

Совети и предупредувања за поставување на печатачот

  • Немојте да ги блокирате или покривате вентилите и отворите на печатачот.

  • Користете го единствено изворот за напојување означен на лепенката на печатачот.

  • Избегнувајте употреба на истото струјно коло од апаратите за фотокопирање или системите за воздушна регулација кои редовно се вклучуваат и исклучуваат.

  • Избегнувајте електрични приклучоци контролирани од прекинувачи или автоматски релеи.

  • Целиот компјутерски систем треба да биде подалеку од можни извори на електромагнетно влијание, како што се звучници или бази на безжични телефони.

  • Каблите за довод на електрична енергија треба да бидат така поставени за да се избегне нагризување, отсекување, загревање, набирање и извиткување. Не ставајте предмети врз каблите за довод на електрична енергија и не дозволувајте каблите да бидат приклештени или да се гази по нив. Посебно внимавајте сите кабли за довод на електрична енергија да се прави на краевите и местата каде што влегуваат и излегуваат од трансформаторот.

  • Ако со печатачот користите продолжен кабел, внимавајте вкупната јачина на струја на апаратите изразена во ампери кои се вклучени во продолжниот кабел да не ја надминува јачината на струја за кабелот изразена во ампери. Исто така, внимавајте вкупната јачина на струјата на сите апарати вклучени во ѕидниот приклучок да не го надминува капацитетот на јачината на струјата на ѕидниот приклучок.

  • Ако планирате да го користите печатачот во Германија, инсталацијата во зградата мора да е заштитена со 10-амперски или 16-амперски осигурувач за да се обезбеди заштита од краток спој и заштита од поголем напон.

  • Кога го поврзувате печатачот на компјутер или друг уред со кабел, внимавајте на точната поставеност на приклучоците. Секој приклучок има само една правилна насока. Ставање приклучок во погрешна насока може да ги оштети и двата уреда поврзани со кабелот.

  • Ставете го печатачот на рамна, стабилна површина што е поширока од основата на печатачот во сите насоки. Печатачот нема да работи правилно ако не е поставен во хоризонтална положба.

  • Оставете простор над печатачот за да можете целосно да го подигнете капакот за документи.

  • Оставете доволно простор од предната страна на печатачот, за да излезе целосно хартијата.

  • Избегнувајте места подложни на нагли промени на температурата и влажноста. Исто така, чувајте го печатачот подалеку од директна сончева светлина, извори на силна светлина или топлина.